Ճառագայթային ախտորոշում

Ռենտգեն հետազոտությունը՝ռենտգենոգրաֆիան,դա ճառագայթային հետազոտության տեսակ է,որի ժամանակ ստանալով երկչափ կամ եռաչափ պատկերներ, բժիշկ մասնագետը ախտորոշում է այնպիսի հիվանդություններ, որոնք կա՛մ անհնար, կա՛մ դժվարամատչելի են այլ հետազոտման եղանակների միջոցով։Ռենտգեն հետազոտությունը(ռենտգենոսկոպիան) կիրառվում է մի շարք օրգան համակարգերի հետազոտման համար ինչպիսիք են՝

1․Հենաշարժողական (ոսկրեր, հոդեր)
2․Շնչառական (թոքեր, բրոնխներ)
3․Ստամոքս-աղիքային(կերակրափող, ստամոքս,աղիներ)
4․Միզասեռական (երիկամի ԲԱՀ,միզապարկ,միզուղիներ)

Ռետգեն հետազոտությունը կիրառվում է դեռ 19-րդ դարից,երբ առաջին անգամ ստացվեցին ռենտգեն ժապավենները, այժմ, ժամանակակից գիտատեխնիկական առաջընթացի շնորհիվ,ստեղծվել են այնպիսի ռենտգեն սարքավորումներ,որոնք ոչ միայն ապահովում են հետազոտությունը միավոր ժամանակում(ռենտգենոսկոպիա), այլ նաև հնարավորություն են տալիս ստանալու բարձր որակի պատկերներ,որոնք չափազանց կարևոր են թե՛ ախտորոշման
մասնագետի, թե՛ բուժող բժշկի համար։ Չնայած այն հանգամանքին, որ ախտորոշման նոր միջոցները՝սարքավորումները (ՄՌՏ, ՀՇ, սոնոգրաֆիա), տարեցտարի ավելի յուրօրինակ և ճշգրիտ արդյունքներ են ապահովում,ռենտգեն
հետազոտությունը չի կորցնում իր առաջնային և կարևոր դերը ախտորոշիչ բժշկության մեջ,լինելով արագ,պարզ և մատչելի հետազոտման եղանակ, որի միջոցով կարճ ժամանակում
ստացվում են անչափ կարևոր եզրակացություններ։ Աշտարակի ԲԿ-ն համալրված է վերջին սերնդի ռենտգեն սարքավորումներով, որոնց միջոցով իրականացվում են հետազոտությունները՝ ողջ ծավալով։ Բժիշկների կողմից տրամադրվում են ճշգրիտ և ստուգված եզրակացություններ, որոնք կօգնեն Ձեզ լինել ավելի առողջ։