Ուրոլոգիա
Ուրոլոգիան բժշկության ոլորտ է, որը զբաղվում է հավասարապես արական և իգական սեռի ներկայացուցիչների միզուղիների հիվանդությունների ուսումնասիրությամբ և բուժմամբ, ինչպես նաև տղամարդկանց վերարտադրողական համակարգի խնդիրներով։
Աշտարակի ԲԿ-ի ուրոլոգիական բաժանմունքը ժամանակակից, բարձր հագեցվածությամբ ծառայություն է, որտեղ իրականացվում է անհետաձգելի և պլանային հիվանդների շուրջօրյա ընդունելություն, ախտորոշում և բուժում:
Ուրոլոգիական բաժանմունքում հիվանդների հետազոտությունները, ուրոլոգիական հիվանդությունների ախտորոշումն ու բուժումն ընդգրկում է ուրոլոգիական պրոֆիլի բուժօգնության ամբողջ ծավալը` լաբորատոր-գործիքային հետազոտություններ, ոչ ինվազիվ, քիչ ինվազիվ, վիրաբուժական միջամտություններ, միզասեռական համակարգի արմատական և վերականգնողական վիրահատություններ:
